Ek 24 sal ka ladka train mein apne papa ke sath baith tha. Achanak khidki ke baahar dekh kar vo jor se chillaya “papa, dekho… sare ped peechhe bhaag rahe hain!!” uske papa ne use pyaar se dekha aur muskura diye.

Bagal ki seat par jo log baithe the unhein ek javan ladke ka ye bachkana vyavhaar bada ajeeb laga. Unmein se ek se raha nahi gaya aur usne us ladke ke papa se poochha “aapka beta kya mansik roop se kam akal hai? Aap ise kise achche doctor ko dikhate kyun nahin?”

Us ladke ke papa ne javaab diya “haan, main abhi abhi ise Chennai mein Shankar netralaya se dikha kar laa raha hun. Vahan iski aankhon ka operation hua hai aur iski roshni aaj 20 sal bad vapas aai hai jo bachpan mein ek chot lagne se chali gai thi. Aaj vo duniya ko fir se dekh sakta hai.”